S’est sempri scìpiu
Cumèdia scritta e dirigia de Gian Pàulu Vaccargiu.
Annnu acadèmicu 2023/24
Rapresentatzioni de sa cumèdia in lingua sarda “S’EST SEMPRI SCÌPIU”
Su catòdìxi de làmpadas is atoras e is atoris de su “Grupu teatru de sa LUTEC A.P.C.” (Libera Università Terza Età Carbonia) ant rapresentau, po sa primu borta, in su Teatru Centrali de Carbònia, sa cumèdia in lingua sarda “S’est sempri scìpiu” scrita e dirigia de Gian Pàulu Vaccargiu.
Sa cumèdia tratat s’argumentu de sa mengua de is nàscidas, chistioni de importu mannu in Sardinia, e cussu de sa becesa e de sa morti, ammesturedi totu in unu fasci a manera de fai nasci faddinas chi atropigliant is personàgius prus drollus.
Si arribbat duncas a s’acabbu de is contus: su tempus de fai fillus est passau, ma cussu po morri no est ancora arribbau.
Cumenti ònnia annu sa LUTEC at serrau s’annu acadèmicu cun una rapresentatzioni teatrali noa, chi sa truma de is atoras e atoris preparant cun grandu seriedadi e impìgniu.
Su spetàculu est stètiu presentau de su presidenti de sa LUTEC Giampaolo Sestu.
S’at passau unu bellu merì de spàssiu e su pùbblicu, chi nd’ at prenu su teatru, s’est divèrtiu meda e no at mancau de ddu marcai cun continuas tzacarradas de manus. Boleus torrai gràtzias a totus is atoras e is atores de sa LUTEC, is bècius e is nous, chi funt stètius totus preparaus e spassiosus meda e po s’impignu e sa passioni chi ant postu po si donai unu merì aici bellu e allirgu.
A ùrtimu boleus nomenai totu sa cumpangia:
Personagius cumediantes:
Mario Pintus Alfiu (Meri de domu)
Marinella Piras Serena Sa mulleri
Gino Meloni Tonino Amigu de Alfiu
Iole Giagoni Elsa Garau Bixina
Susanna Maccioni Silvia Amiga de Serena
Luciana Selis Doriana Sa sorri de Serena
Livia Crobu Dott.ssa Massa
Lilia Dettori Franca Sorri de Serena
Rosangela Manca infermiera Concas
Isa Piras Lina Garau Bixina
